00:00
1USD = AMD
1EUR = AMD
1RUB = AMD
Լեհաստանի ոստիկանությունը եւ հատուկ ծառայությունները կառավարության հակառակորդների ցուցակներ են կազմումՊաշտպանության նախարարն ընդունել է Անդրանիկ Մարգարյանի անվան քաղաքական դպրոցի սաներին Տավուշի մարզում պայմանագրային զինծառայող է զոհվելՎիգեն Սարգսյանը Մոսկվայում կհանդիպի Սերգեյ Շոյգուի հետԱդրբեջանը Վրաստանում կայանալիք զորավարժություններին չի մասնակցելուՕմբուդսմանի միջամտությամբ վերականգնվել է կալանավորի՝ տեղեկատվություն ստանալու իրավունքըՀայաստան անորակ պարարտանյութերի ներկրումը բացառելու համար ՍԱՊԾ-ն աշխատանքներ է իրականացնումԹեժ սահման. ադրբեջանցիները կրակ են բացել հացակահատիկահավաք կոմբայնի վրաԾնողներին և 17 հարևաններին սպանած չինացին դատապարտվել է մահապատժիՀայաստանը մտադիր է բարձր մակարդակի վրա պահպանել ՀՀ-ԵԱՀԿ համագործակցությունը. փոխարտգործնախարար

Նախագահի նստավայրում տեղի են ունեցել հայ-տաջիկական բարձր մակարդակի բանակցություններ

Հանրապետության Նախագահի նստավայրում Հայաստանի և Տաջիկստանի նախագահների առանձնազրույցից հետո տեղի է ունեցել ընդլայնված կազմով հանդիպում՝ երկու երկրների պաշտոնական պատվիրակությունների անդամների մասնակցությամբ: Ինչպես տեղեկացրին ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունից, բարձր մակարդակի բանակցությունների արդյունքներով ընդունվել է Տաջիկստանի Հանրապետության նախագահ Էմոմալի Ռահմոնի՝ Հայաստանի Հանրապետություն կատարած պաշտոնական այցի արդյունքների վերաբերյալ համատեղ հայտարարություն, նաև ստորագրվել են Հայաստանի Հանրապետության և Տաջիկստանի Հանրապետության միջև մի շարք ոլորտներում երկկողմ համագործակցության խորացմանն ուղղված փաստաթղթեր:

Մասնավորապես, ստորագրվել են՝ «Հայաստանի Հանրապետության կառավարության և Տաջիկստանի Հանրապետության կառավարության միջև քաղաքացիների փոխադարձ այցելությունների մասին», «Հայաստանի Հանրապետության կառավարության և Տաջիկստանի Հանրապետության կառավարության միջև օդային հաղորդակցության մասին», «Հայաստանի Հանրապետության կառավարության և Տաջիկստանի Հանրապետության կառավարության միջև հեռահաղորդակցության և փոստային կապի բնագավառում համագործակցության մասին», «Հայաստանի Հանրապետության կառավարության և Տաջիկստանի Հանրապետության կառավարության միջև կրթության որակավորումների, գիտական աստիճանների ու գիտական կոչումների փոխճանաչման և համադրելիության մասին», «Հայաստանի Հանրապետության կառավարության և Տաջիկստանի Հանրապետության կառավարության միջև երիտասարդության հետ աշխատանքի և սպորտի բնագավառում համագործակցության մասին», «Հայաստանի Հանրապետության կառավարության և Տաջիկստանի Հանրապետության կառավարության միջև առողջապահության բնագավառում համագործակցության մասին», «Հայաստանի Հանրապետության գլխավոր դատախազության և Տաջիկստանի Հանրապետության գլխավոր դատախազության միջև համագործակցության մասին», «Հայաստանի Հանրապետության գիտությունների ազգային ակադեմիայի և Տաջիկստանի Հանրապետության գիտությունների ակադեմիայի միջև գիտական համագործակցության մասին» համաձայնագրերը և «Հայաստանի արտաքին գործերի նախարարության և Տաջիկստանի արտաքին գործերի նախարարության միջև 2018-2019թթ. համար համագործակցության ծրագիրը»:

Նախագահներ Սերժ Սարգսյանը և Էմոմալի Ռահմոնը հանդիպման արդյունքներն ամփոփել են զանգվածային լրատվամիջոցների ներկայացուցիչների առջև հայտարարություններով:

Նախագահ Սերժ Սարգսյանի հայտարարությունը ԶԼՄ-ների առջև՝ Տաջիկստանի նախագահ Էմոմալի Ռահմոնի հետ հանդիպումից հետո

Հարգելի՛ պարոն նախագահ,

Տիկնա՛յք և պարոնա՛յք,

Հայտարարության հենց սկզբում ցանկանում եմ նշել, որ բանակցություններն անցել են բարեկամական և բացարձակ կառուցողական մթնոլորտում:

Անկեղծորեն ուրախ եմ հյուրընկալել Տաջիկստանի նախագահին Երևանում մեր երկրների միջև դիվանագիտական հարաբերությունների հաստատման 25-ամյակի ու Բարեկամության և համագործակցության պայմանագրի ստորագրման 15-ամյակի տարում: Խոսելով այդ հոբելյանական տարեթվերի մասին՝ մենք նաև հիշում ենք, որ հայ-տաջիկական հարաբերություններն ունեն հարյուրամյակների պատմություն, և դրանք միշտ եղել են բաց, վստահելի և լի փոխադարձ հարգանքով:

Այսօր հանդիպմանը մենք մանրամասն քննարկեցինք երկկողմ համագործակցության ընթացիկ վիճակը, քննարկեցինք դրա զարգացման հեռանկարները, նախանշեցինք փոխգործակցության տարբեր ոլորտներում համատեղ աշխատանքի ուղղություններն ու կոնկրետ խնդիրները:

Բարձր ենք գնահատում վերջին շրջանում արձանագրված հայ-տաջիկական հարաբերությունների դրական և կայուն զարգացման միտումը: Մենք պայմանավորվեցինք հետևողական լինել երկկողմ համագործակցության զարգացման ուղղությամբ և ձեռնարկել անհրաժեշտ քայլեր՝ այն նոր մակարդակի բարձրացնելու համար:

Այս ամենն իր արտացոլումը գտավ ընդունված Համատեղ հայտարարությունում, համագործակցության կարևորագույն ոլորտներում փոխգործակցությունը կանոնակարգող փաստաթղթերի պատկառելի փաթեթում, այն է՝ համաձայնագրեր հաղորդակցության և կապի, օդային հաղորդակցության, առողջապահության, կրթության և այլ ոլորտներում:

Մենք դրեցինք հստակ խնդիր՝ պատկերավոր ցույց տալ, թե ինչպիսին պետք է լինի համագործակցությունը մեր երկրների միջև տեսանելի ապագայում: Դրան կնպաստի Երևանի և Դուշանբեի միջև քաղաքական երկխոսությունը, որին մենք մտադիր ենք ինտենսիվ բնույթ հաղորդել:
Բնականաբար, բանակցությունների ընթացքում մենք քննարկեցինք տարածաշրջանային և արդի միջազգային հարցերի լայն շրջանակ: Մենք սերտ համագործակցում ենք միջազգային կազմակերպությունների շրջանակում: Այդ համատեքստում ես կառանձնացնեի համագործակցությունը ԱՊՀ շրջանակում և այլ բազմակողմ ձևաչափերով, և իհարկե, ՀԱՊԿ շրջանակում, որում մեր անցյալ տարվա նախագահության հերթափոխը մենք ավելի վաղ ընդունել էինք մեր տաջիկ բարեկամներից:

Անցկացվում են խորհրդատվություններ արտաքին գործերի նախարարությունների միջև, սերտ համագործակցության մեջ են գտնվում մեր երկրների ներկայացուցչությունները միջազգային կազմակերպություններում: Ինչպես նախկինում, երկու կողմերն էլ պատրաստ են ամրապնդելու փոխադարձ աջակցությունը միմյանց ազգային շահերին առնչվող առանցքային հարցերում:

Բանակցությունների ընթացքում իմ կողմից ևս մեկ անգամ վերահաստատվեց Հայաստանի դիրքորոշումը, այն է՝ ԼՂՀ հակամարտության բացարձակապես խաղաղ կարգավորումը՝ հիմնված միջազգային իրավունքի նորմերի և սկզբունքների, ՄԱԿ-ի կանոնադրության դրույթների վրա, մասնավորապես նրանց, որոնք հավասարապես վերաբերում են ուժի չկիրառմանը կամ ուժի կիրառման սպառնալիքին, պետությունների տարածքային ամբողջականությանը, իրավահավասարությանը և ժողովուրդների ինքնորոշման իրավունքին:
Ընդգծվել է պայմանավորվածությունների իրականացման կարևորությունը՝ ուղղված հակամարտության գոտում իրավիճակի սրացման կանխարգելմանը, իրավիճակի կայունացմանը և խաղաղ գործընթացի առաջմղման համար պայմանների ստեղծմանը: Իմ կողմից ևս մեկ անգամ ընդգծվեց միջազգային հանրության միջնորդական մանդատով օժտված միակ ձևաչափի՝ ԵԱՀԿ Մինսկի խմբի համանախագահ երկրների ջանքերին լայն աջակցության անհրաժեշտությունը:

Իհարկե, մեր ուշադրության կենտրոնում էին նաև առևտրատնտեսական համագործակցության գործնական հարցերը, որը, մեր կարծիքով, պետք է ընդլայնվի համատեղ արտադրության, համագործակցության միջոցով՝ հատուկ ուշադրություն դարձնելով նորարարություններին և բարձր տեխնոլոգիաներին: Մենք պայմանավորվեցինք լրացուցիչ հանձնարարել մեր կառավարություններին օպտիմալացնելու առևտրատնտեսական համագործակցության կառուցվածքը և բարձրացնելու դրա որակը՝ օգտագործելով բոլոր հնարավոր մեխանիզմները:

Ուրախալի է, որ երկար դադարից հետո աշխատանքները վերսկսել է առևտրատնտեսական համագործակցության հարցերով հայ-տաջիկական միջկառավարական հանձնաժողովը: Ակնկալում ենք, որ հանձնաժողովի համանախագահության անցումը նախարարական մակարդակի՝ կհաստատի նման որոշման անհրաժեշտությունը, իսկ բուն միջկառավարական հանձնաժողովն արդյունավետ կերպով առաջ կմղի տնտեսական կապերի ողջ համալիրը, կնպաստի դրանց հետագա դիվերսիֆիկացիային և փոխշահավետ նոր նախագծերի գործարկմանը: Այդտեղ մենք կարևոր դեր ենք հատկացնում նաև անմիջականորեն մեր երկրների գործարար համայնքներին, որոնց ներկայացուցիչները հանդիպում են այսօր կազմակերպված գործարար համաժողովի շրջանակներում:

Տնտեսության, զբոսաշրջության և մեր երկրների քաղաքացիների միջև շփումների ընդլայնման համատեքստում մենք քննարկեցինք մեր երկրների միջև ուղիղ ավիաչվերթի հնարավոր մեկնարկի հարցը: Այդ նախագծի շրջանակներում մենք պատրաստ ենք մեր տաջիկ բարեկամներին տրամադրել Հայաստանի կողմից «բաց երկնքի» քաղաքականության շրջանակներում ձևավորված արտոնությունների փաթեթ:

Այսօր երկուստեք վերահաստատվել է նաև կրթության, մշակույթի և գիտության ոլորտներում համագործակցության հետագա ընդլայնման պատրաստակամությունը: Դա նաև համագործակցություն է գիտությունների ակադեմիաների, արևելագիտական դպրոցների, աստղադիտարանների, բուհերի և գիտահետազոտական ինստիտուտների շրջանակներում:

Տիկնա՛յք և պարոնա՛յք,

Այսօր հայ-տաջիկական հարաբերությունները գտնվում են պատմական նոր փուլում: Տաջիկական կողմի հետ միասին մենք երկարաժամկետ հեռանկարում պատրաստ ենք շարունակելու ջանքեր ներդնել մեր գործընկերության հետևողական, կայուն և փոխշահավետ զարգացման համար:

Ամփոփելով՝ ցանկանում եմ մեկ անգամ ևս շնորհակալություն հայտնել Տաջիկստանի նախագահին բովանդակալից և արգասաբեր բանակցությունների համար: Համոզված եմ, պարո՛ն նախագահ, որ Ձեր այցը, կնպաստի մեր ժողովուրդների և երկրների միջև անկեղծ բարեկամական հարաբերությունների հետագա ամրապնդմանը:

Շնորհակալություն ուշադրության համար:

դիտվել է 138 անգամ

Լրահոս
28 Հուլ
Լեհաստանի ոստիկանությունը եւ հատուկ ծառայությունները կառավարության հակառակորդների ցուցակներ են կազմումՊաշտպանության նախարարն ընդունել է Անդրանիկ Մարգարյանի անվան քաղաքական դպրոցի սաներին Տավուշի մարզում պայմանագրային զինծառայող է զոհվելՎիգեն Սարգսյանը Մոսկվայում կհանդիպի Սերգեյ Շոյգուի հետԱդրբեջանը Վրաստանում կայանալիք զորավարժություններին չի մասնակցելուՀայաստանում սպանդանոցների թիվը հասել է 15-իՕմբուդսմանի միջամտությամբ վերականգնվել է կալանավորի՝ տեղեկատվություն ստանալու իրավունքըՀայաստան անորակ պարարտանյութերի ներկրումը բացառելու համար ՍԱՊԾ-ն աշխատանքներ է իրականացնումԹեժ սահման. ադրբեջանցիները կրակ են բացել հացակահատիկահավաք կոմբայնի վրաԾնողներին և 17 հարևաններին սպանած չինացին դատապարտվել է մահապատժիՀայաստանը մտադիր է բարձր մակարդակի վրա պահպանել ՀՀ-ԵԱՀԿ համագործակցությունը. փոխարտգործնախարար«Երևի շատ «կընգան տփող» ամուսիններ պետք է էս հաշվի առնեն, թե չէ նույն ճանապարհով են գնալու»Կալանավորը դիմել է փախուստի. հարուցվել է քրեական գործԱրմավիրի մարզպետի խորհրդականի սպանության կասկածանքով ձերբակալվել են վերջինիս կինը և որդին (տեսանյութ)Սևանա լճում լողալը կդառնա ավելի անվտանգ. Հատուկ ջրափրկարարական ջոկատին նոր մոտորանավակներ են տրամադրվելԱյվազովսկու ժառանգները ժամանել են Ղրիմ՝ մասնակցելու նկարչի ծննդյան 200-ամյակի տոնակատարությանը ՔԿԱԳ գործընթացը բարեփոխվում է. քաղաքացին կարող է ծառայություններ ստանալ «Մեկ պատուհանի» սկզբունքով Վիճաբանություն Գյումրիում՝ սանրվածքը ծաղրելու պատճառովՆորք Մարաշի զինված խմբի անդամները լուսանկարել են Հովիկ Աբրահամյանի, Լևոն Տեր-Պետրոսյանի, Սեյրան Օհանյանի տներըՍանիտարական անձնագրեր՝ մսամթերք եւ հացաբուլկեղեն տեղափոխող տրանսպորտային միջոցներին Աթենքի-Վերֆելի-Ծիծեռնակաբերդի փողոցների շրջանաձև երթևեկության խաչմերուկում երթևեկության փոփոխություն կկատարվի (լուսանկար)ԱՄՆ առաջարկները՝ լուրջ վտանգ իշխանությունների համա՞րՌոնալդուն՝ իր բրենդային ներքնազգեստի զվարճալի գովազդում (տեսանյութ)Դավիթաշենի կամրջից ինքնասպանություն գործած տղամարդը բենզալցակայանի 30-ամյա աշխատակից էր (տեսանյութ)Թրամփը հիասթաված է Սենատում Obamacare-ի չեղարկման քվեարկության արդյունքներիցԶինված հեղաշրջման նպատակով Արթուր Վարդանյանը 60 հազար դոլար է վերցրել Հայր Անտոնից Քաղաքապետարանը կվերահսկի շաբաթօրյակի շրջանակում նախատեսված աշխատանքների հավուր պատշաճի կատարումըԱրաբական կոալիցիան խոցել է Մեքքա թռչող հրթիռըԽամես Ռոդրիգեսը բաժանվել է կնոջից (լուսանկար)Թուրքիայի զինուժը հարվածներ է հասցրել Իրաքի հյուսիսումԹուրք հաքերները կոտրել են Սևան Նիշանյանի թվիթերյան էջըԱրտակարգ դեպք Գեղարքունիքի մարզում. 30-ամյա կալանավորը КПЗ-ից դիմել է փախուստի«Մանչեսթեր Յունայթեդ»-ի ֆուտբոլիստները ժամանել են Մանչեսթեր (լուսանկարներ)ՌԴ Անվտանգության դաշնային ծառայությունը Պետերբուրգում ահաբեկչական ակտեր պատրաստող 7 կասկածյալ է ձերբակալելՊակիստանի վարչապետը պաշտոնաթողություն է խնդրել Սանիտարահիգիենիկ պայմանների պատճառով դադարեցվել է հացի արտադրության 20 տնտեսավարող սուբյեկտի աշխատանքըԼատվիայում ՀՀ դեսպանը հանդիպել է ԵԱՀԿ լատվիական պատվիրակության ղեկավարի հետԵՏՄ-ի «օգուտը» և Մոսկվայի նոր պահանջները ՀայաստանիցՎենեսուելայի ընդդիմությունը հայտարարել է երկօրյա գործադուլին երկրի բնակիչների 90 %-ի մասնակցության մասինՀեշտ չէ լինել Ժոզե Մոուրինյու. պորտուգալացու անակնկալը (տեսանյութ)Հնդկաստանում հեղեղումները խլել են 600 մարդու կյանքՇիրակի մարզպետն ընդունեց Գյումրիում ՌԴ նորանշանակ հյուպատոս Ալեքսանդր Կոպնինին «ԹՕՓ ՄՈՏՈՐՍ» ընկերության դեմ քրգործ է հարուցվել խարդախությամբ առանձնապես խոշոր չափերով գումարի հափշտակության համարՂրղզստանում նախագահի թեկնածություն է ներկայացրել 41 գործիչՍտամբուլը կաթվածահար է եղել հորդառատ անձրևների ու ուժեղ քամու պատճառով (լուսանկարներ)Օգոստոս ամսվա եղանակի կանխատեսումը և կլիմայական բնութագիրըԱՄՆ-ն Վենեսուելայում իր դիվանագետների ընտանիքներին կարգադրել է լքել այդ երկիրըԹուրքիայի մեջլիսում ընդունվել է «ցեղասպանություն» եզրույթն արգելող օրենքների փաթեթըՆախարարի՝ ակամա ասված ճշմարտությունըԲարսելոնայում գնացքի վթարի հետևանքով առնվազն 48 տուժած կա
Ամենադիտված