00:00
1USD = AMD
1EUR = AMD
1RUB = AMD
Լոնդոնում ահաբեկչության մեջ մեղադրվող տղամարդ է ձերբակալվել Հայտնի է՝ որ համարով Վահան Բիչախչյանը կխաղա «Ժիլինա»-ում Ավարտվել է ՀՀ ԿԱ պետական եկամուտների կոմիտեի 4 պաշտոնյաների վերաբերյալ քրեական գործի նախաքննությունըԻ՞նչ բողոքի ակցիա, ոչ մի բան էլ չի եղել. Արդվիի գյուղապետԳրիգոր Մելիքսեթյանն այլևս «Գանձասար-Կապան»-ում չէՔաբուլում խոշոր ահաբեկչություն է կանխվելԴատախազությունն արդարացրել է Նեյմարին, նրա հորն ու Սանդրո Ռոսելին Նախարարի «սենսացիոն» բացահայտումը «Օդից փող»-ը շարունակում է «քցել» քաղաքացիներինԽոշոր ավտովթար Վարդենիսում. կա 9 վիրավոր

Բաբայանը ներգրավված է եղել հանցավոր ճանապարհով եվրո թղթադրամներ շրջանառելու փորձի մեջ. ԱԱԾ-ն մեղադրանք է առաջադրել (տեսանյութ)

 

 

Հայաստանի Հանրապետության կառավարությանն առընթեր ազգային անվտանգության ծառայության քննչական վարչությունում ավարտվել է հանցավոր ճանապարհով ստացված գույքն օրինականացնելու (փողերի լվացում), ինչպես նաև ապօրինի կերպով ռազմամթերք ձեռք բերելու, պահելու և փոխադրելու դեպքերի վերաբերյալ քննվող քրեական գործի՝ 7 մեղադրյալի մասով նախաքննությունը:

Ինչպես տեղեկացրին ԱԱԾ մամուլի կենտրոնից, 2016 թվականի սեպտեմբերի 20-ին  Ազգային անվտանգության ծառայության քննչական վարչությունում ՀՀ  քրեական օրենսգրքի 202-րդ հոդվածի 2-րդ մասի 1-ին և 2-րդ կետերի հատկանիշներով հարուցված քրեական գործով կատարված քննչական գործողությունների և օպերատիվ-հետախուզական միջոցառումների արդյունքում պարզվել է, որ 2016 թվականի հուլիս ամսին ՀՀ քաղաքացի Սամվել Բաբայանը, հաստատապես տեղեկանալով, որ ՌԴ-ում բնակվող S.Հ.-ի ծանոթներն ունեն հափշտակված, դրա հետևանքով ինկասացիոն և բանկոմատային անվտանգության նպատակներով օգտագործվող հատուկ նյութով ներկված և օրինական շրջանառությունից հանված, այսինքն՝ հանցավոր ճանապարհով ստացված եվրո թղթադրամների մեծ խմբաքանակ, միջոցներ է ձեռնարկել այն ձեռք բերելու, քիմիական մաքրման և վերամշակման եղանակով դրա հանցավոր ծագումը և իրական բնույթը խեղաթյուրելու ու հետագայում ՀՀ տարածքում շրջանառության մեջ դնելու համար:

Այդ նպատակով Սամվել Բաբայանը դիմել է Երևան քաղաքի բնակիչ Կարեն Քոչարյանին, ով համաձայնել է օժանդակել քիմիական մշակմամբ զբաղվող համապատասխան մասնագետի ընտրության, ինչպես նաև նշված թղթադրամների խմբաքանակը Ռուսաստանի Դաշնությունից Հայաստան տեղափոխելու հարցում: Այնուհետև, Սամվել Բաբայանը, S.Հ.-ի ծանոթներից փորձնական ձեռք բերելով 4 հատ թղթադրամ, փոխանցել է Կարեն Քոչարյանին, ով իր եղբոր՝ Անդրանիկ Քոչարյանի, միջոցով դիմել է Բուժական գյուղի բնակիչ, քիմիայի ոլորտում համապատասխան գիտելիքներ ունեցող Ժորա Զաքարյանին: Վերջինս իրեն տրամադրված թղթադրամների վրա առկա ներկանյութը քիմիական լուծույթով մաքրել և նույն անձանց միջոցով վերադարձրել է Սամվել Բաբայանին:

Հավաստիանալով ցանկալի արդյունքի մեջ և նպատակադրվելով տարբեր խմբաքանակներով ձեռք բերել նման թղթադրամներ` 2016 թվականի օգոստոս-սեպտեմբեր ամիսներին Սամվել Բաբայանը, որպես առաջին խմբաքանակ, Մոսկվա քաղաքի բնակիչ Մ.Ն.-ի միջոցով S.Հ.-ի ծանոթներից ձեռք է բերել 100 հատ 50 եվրո անվանական արժեքով, ընդհանուր 5.000 եվրո ներկված թղթադրամներ, որի դիմաց ընդամենը վճարել է անվանական արժեքի շուրջ 50 տոկոսը՝ 2.900 ԱՄՆ դոլար: Այնուհետև Կարեն Քոչարյանը Երևանի բնակիչ Դավիթ Հարությունյանի օժանդակությամբ կազմակերպել է երթուղային ավտոբուսով հիշյալ թղթադրամների տեղափոխումը Ռուսաստանից Հայաստան, սակայն 2016 թվականի սեպտեմբերի 20-ին Երևանում դրանք հայտնաբերվել և առգրավվել են Ազգային անվտանգության ծառայության աշխատակիցների կողմից:

2017 թվականի մարտի 22-ին ՀՀ ԱԱԾ քննչական վարչությունում ՀՀ քրեական օրենսգրքի 235-րդ հոդվածի 2-րդ մասի և 235.1-րդ հոդվածի 2-րդ մասի 1-ին կետի հատկանիշներով հարուցված մեկ այլ քրեական գործի նախաքննությամբ պարզվել է, որ Սամվել Բաբայանը, նպատակ ունենալով ձեռք բերել «Իգլա» տեսակի դյուրակիր զենիթահրթիռային համալիր, 2016 թվականի ամռանը նյութապես շահագրգռելու եղանակով՝ 50.000 ԱՄՆ դոլար վճարելու խոստմամբ, Վաղարշապատ քաղաքի բնակիչ Սանասար Գաբրիելյանին դրդել է ապօրինի կերպով ձեռք բերել, փոխադրել և պահել ռազմամթերք հանդիսացող այդպիսի համալիր: Ի կատարումն ստացած պատվերի` վերջինս, իր հերթին, նույնպիսի պայմանավորվածություն է ձեռք բերել իր համաքաղաքացիներ Արմեն Պողոսյանի և Հրաչյա Մայիլյանի հետ, ովքեր, մի քանի անգամ մեկնելով Վրաստան, վերջին տարիներին այնտեղ բնակվող, Վաղարշապատ քաղաքի մեկ այլ բնակիչ Ռ.Ա.-ի հետ համաձայնության են եկել` վերջինիս միջոցով 38.000 ԱՄՆ դոլարով նման զենիթահրթիռային համալիր ձեռք բերելու և ՀՀ տեղափոխելու վերաբերյալ:

2017 թվականի մարտ ամսին Ռ.Ա.-ն ՀՀ Արմավիրի մարզի Հայթաղ գյուղում, 4.000 ԱՄՆ դոլար կանխավճարի դիմաց, Հրաչյա Մայիլյանին փոխանցել է մարտական հրթիռով «Իգլա» տեսակի դյուրակիր զենիթահրթիռային համալիրի արձակման խողովակ և հավաստիացրել, որ այն ՀՀ է տեղափոխել Վրաստանից: Դրանից հետո Հրաչյա Մայիլյանը հիշյալ ռազմամթերքը տեղափոխել և պահել է Վաղարշապատ քաղաքում գտնվող իր ավտոտնակում, այնուհետև Սանասար Գաբրիելյանի ցուցումով Սամվել Բաբայանին ցուցադրելու համար, Արմեն Պողոսյանի հետ այն լուսանկարել են: Սանասար Գաբրիելյանը նշված լուսանկարը ներկայացրել է Սամվել Բաբայանին, ով, խոստանալով 50.000 ԱՄՆ դոլարը վճարել մի քանի օրվա ընթացքում, հանձնարարել է ռազմամթերքն արկղով տեղափոխել Արցախի Հանրապետության Նարիշտար գյուղ, ամայի վայրում թաքցնել հողի մեջ և իրեն տրամադրել թաքստոցի գտնվելու վայրի լուսանկարը:

2017 թվականի մարտի 22-ին Հրաչյա Մայիլյանը հիշյալ ռազմամթերքը կամովին ներկայացրել է Ազգային անվտանգության ծառայություն: Նույն օրը` Սանասար Գաբրիելյանի ձերբակալումից հետո, Սամվել Բաբայանը միջոցներ է ձեռնարկել վերջինիս հանցակիցներին գտնելու, ապօրինի ձեռք բերված ռազմամթերքը թաքցնելու և դրա լուսանկարները ջնջելու ուղղությամբ, սակայն նա նույնպես ձերբակալվել է:

Վրաստանի իրավապահ մարմինների հետ համագործակցության արդյունքում նույն երկրում կալանավորված Ռ.Ա.-ն 2017 թվականի մայիսի 4-ին ՀՀ ԱԱԾ է ներկայացրել Հայթաղ գյուղում պահվող ևս մեկ «Իգլա» տեսակի դյուրակիր զենիթահրթիռային համալիրի արձակման խողովակ՝ իր մարտական հրթիռով, որի փորձաքննությամբ հաստատվել է, որ այն ևս պիտանի է գործածության համար և հանդիսանում է ռազմամթերք: 

Բազմակողմանի, լրիվ և օբյեկտիվ քննություն ապահովելու անհրաժեշտությունից ելնելով` հիշյալ քրեական գործերը միացվել են մեկ վարույթում։ Հանցանքների կատարումը վկայող բավարար ու փոխկապակցված՝ ՀՀ-ում, ՌԴ-ում և  Վրաստանում իրականացված շուրջ 100 հարցաքննության, խուզարկությունների, հեռախոսային խոսակցությունների վերահսկման, Հայաստանում և Ինտերպոլի ԱԿԲ-ի միջոցով Շվեյցարիայում կատարված տարաբնույթ փորձաքննությունների, Իտալիայի, Շվեյցարիայի, Գերմանիայի և Ֆրանսիայի իրավասու մարմիններին և ֆինանսական հաստատություններին ուղղված հարցումների, ինչպես նաև քննչական և դատավարական այլ գործողությունների արդյունքում ձեռք բերված հավաստի ապացույցների համակցության հիման վրա Սամվել Բաբայանին մեղադրանք է առաջադրվել ՀՀ քրեական օրենսգրքի 190-րդ հոդվածի 1-ին մասով (հանցավոր ճանապարհով ստացված գույքն օրինականացնելը) և 38-235-րդ հոդվածի 2-րդ մասով (մի խումբ անձանց կողմից նախնական համաձայնությամբ ապօրինի կերպով ռազմամթերք ձեռք բերելուն, պահելուն և փոխադրելուն դրդելը):

Կարեն և Անդրանիկ Քոչարյաններին, Ժորա Զաքարյանին և Դավիթ Հարությունյանին մեղադրանքներ են առաջադրվել ՀՀքրեական օրենսգրքի 38-190-րդ հոդվածի 1-ին մասով (Սամվել Բաբայանի կողմից հանցավոր ճանապարհով ստացված գույքն օրինականացնելուն օժանդակելը), իսկ Սանասար Գաբրիելյանին և Արմեն Պողոսյանին՝ ՀՀ քրեական օրենսգրքի 235-րդ հոդվածի 2-րդ մասով (Սամվել Բաբայանի դրդմամբ, մի խումբ անձանց կողմից նախնական համաձայնությամբ ապօրինի կերպով ռազմամթերք ձեռք բերելը, պահելը և փոխադրելը):

Չնայած հայտնաբերված ռազմամթերքը ՀՀ և Արցախի Հանրապետության տարածքում տեղակայված զինված ուժերի հաշվառումներով չի անցել, ավելին` ստացված պատվերի իրականացման համար Արմեն Պողոսյանը և Հրաչյա Մայիլյանը հետևողական միջոցներ են ձեռնարկել Վրաստանում «Իգլա» տեսակի դյուրակիր զենիթահրթիռային համալիր ձեռք բերելու և ՀՀ փոխադրելու ուղղությամբ, Հրաչյա Մայիլյանին փոխանցված ռազմամթերքը Ռ.Ա.-ն ներկայացրել է որպես մաքսանենգ եղանակով Վրաստանից տեղափոխված, այնուամենայնիվ, հաշվի առնելով հետագա նախաքննությամբ միանշանակ հաստատված՝ մարտական հրթիռով «Իգլա» տեսակի դյուրակիր զենիթահրթիռային համալիրի արձակման խողովակը պատվիրատուներին փաստացի ՀՀ տարածքում հանձնված լինելու հանգամանքը, ռազմամթերքի մաքսանենգության համար Սամվել Բաբայանին, Սանասար Գաբրիելյանին, Արմեն Պողոսյանին և Հրաչյա Մայիլյանին առաջադրված մեղադրանքներն ապացուցված լինելու վերաբերյալ չփարատված բոլոր կասկածները մեկնաբանվել են հօգուտ մեղադրյալների, և ՀՀքրեական օրենսգրքի 235.1-րդ հոդվածի 2-րդ մասի 1-ին կետով նրանց առաջադրված մեղադրանքները վերացվել են:

Հրաչյա Մայիլյանի նկատմամբ ՀՀ քրեական օրենսգրքի 235-րդ հոդվածի 2-րդ մասով քրեական հետապնդում չի իրականացվել` ապօրինի կերպով ձեռք բերած, փոխադրած և պահած ռազմամթերքը կամովին հանձնելու հիմքով:

Վերը հիշատակված մեղադրյալների վերաբերյալ առանձին վարույթ անջատված քրեական գործը՝ մեղադրական եզրակացությամբ, ուղարկվել է նախաքննության նկատմամբ հսկողություն իրականացնող դատախազին, իսկ ենթադրյալ հանցանքներին առնչություն ունեցած մյուս անձանց մասով նախաքննությունը շարունակվում է: Ձեռնարկվում են անհրաժեշտ միջոցառումներ` ապօրինի շրջանառության մեջ գտնվող ռազմամթերքը ՀՀ տարածք տեղափոխելու, ինչպես նաև գործի համար նշանակություն ունեցող մյուս հանգամանքները բացահայտելու ուղղությամբ: 

Ծանուցում. Ենթադրյալ հանցանքի համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով:

դիտվել է 2098 անգամ

Լրահոս
26 Հուլ
Լոնդոնում ահաբեկչության մեջ մեղադրվող տղամարդ է ձերբակալվել Հայտնի է՝ որ համարով Վահան Բիչախչյանը կխաղա «Ժիլինա»-ում Ավարտվել է ՀՀ ԿԱ պետական եկամուտների կոմիտեի 4 պաշտոնյաների վերաբերյալ քրեական գործի նախաքննությունըԻ՞նչ բողոքի ակցիա, ոչ մի բան էլ չի եղել. Արդվիի գյուղապետԳրիգոր Մելիքսեթյանն այլևս «Գանձասար-Կապան»-ում չէՔաբուլում խոշոր ահաբեկչություն է կանխվելԴատախազությունն արդարացրել է Նեյմարին, նրա հորն ու Սանդրո Ռոսելին Նախարարի «սենսացիոն» բացահայտումը «Օդից փող»-ը շարունակում է «քցել» քաղաքացիներինԽոշոր ավտովթար Վարդենիսում. կա 9 վիրավոր «Շիրակ» օդանավակայանի թռիչքուղու համար ձեռք բերված մետաղյա բաշխիչ արկղերը պահվել են ավտոտնակում. հարուցվել է քրգործՄԻՊ ներկայացուցիչները չհայտարարված այցեր են իրականացրել քրեակատարողական հիմնարկներՎախճանվել է արձակագիր և կինոդրամատուրգ Ալեքսան ՄեխակյանըՍուրդլիմպիկ խաղերում Հայաստանը նվաճել է ևս մեկ բրոնզե մեդալԻսրայելը լրտեսներ է ուղարկել Ստեփանակերտ. իսրայելա-թուրքական խաղ` ընդդեմ ՀայաստանիԱրազ Օզբիլիսը մասնակցել է «Բեշիկթաշ»-ի ընկերական խաղինՍկյուռիկի պատճառով Կալիֆորնիայի ավելի քան 45 հազար մարդ մնացել է առանց էլեկտրականությունԳոհ եմ իմ թիմի կազմից, բայց կցանկանայի ևս երկու ֆուտբոլիստ ձեռք բերել. ՄոուրինյուԱվստրիան անհնար է համարում Թուրքիայի անդամակցությունը ԵՄ-ինՈ՞ւմ համար է վարչապետն ազատականացնում էներգետիկ ոլորտըՀայաստանի հավաքականի կազմը՝ ըմբշամարտի աշխարհի երիտասարդական առաջնությունում«Руки вверх»-ի երևանյան համերգը չեղարկվել էԱզատ ոճի պատանի ըմբիշ Գենիկ Ասատրյանը՝ Եվրոպայի առաջնության բրոնզե մեդալակիր850 հազար եվրո` տրանսպորտի հարցի լուծման համար. գծատերերը սակագինը կթանկացնեն. Արմեն ՊողոսյանԵՄ-ն անհնար է համարում Թուրքիայի հետ նոր գլուխների բացումը Մեծ Բրիտանիայում ցանկանում են արգելել բենզինով կամ դիզելային վառելիքով աշխատող մեքենաներըԱվտովթար Երևանում. 42-ամյա վարորդը խմած է եղելԿադրային փոփոխություններ «Հայկ» կինոստուդիայում և Ազգային կինոկենտրոնում Իսրայելը ցանկանում է զարգացնել բարեկամական հարաբերությունները Հայաստանի հետ. Ցախի Հանեգբի«Ռոմա»-«Տետենհեմ»` 3:2 (տեսանյութ)«Եվրատեսիլը» 2018 թվականին տեղի կունենա Լիսաբոնում Չինաստանում հեղեղումների պատճառով շուրջ երեք հազար մարդ է տարհանվելԱստղագուշակ՝ հուլիսի 26-ի համարՕրվա խորհուրդը«Փաստ». Գուգուշի Երեւանում կայանալիք համերգը հիստերիայի ալիք է բարձրացրել ԱդրբեջանումՊԵԿ նախագահի առաջին տեղակալի ու նրա կնոջ ունեցվածքը. «Փաստ»«Հրապարակ». Դոն Պիպոն դիրքերն է ամրապնդում. նա չլսված բարձր գնով երկու տուն է գնել իր ծննդավայրում «Հրապարակ». «Դիլիջան ազգային պարկի» նոր տնօրենի նշանակման հարցում վարչապետն է դերակատարում ունե­ցելՀայտնաբերվել է Արմավիրի մարզպետի խորհրդականի դին՝ երկաթե լարերով կապվածԱդրբեջանում թրաֆիքինգի մեջ ներգրավված են անգամ պետական մարմիններըՍիրիական բանակը կարող է Ռաքան ԻՊ-ից ազատագրել հինգ ժամում Մխիթարյանն ու թիմակիցները ներկայցրել են TAG Heuer-ի ժամացույցները (լուսանկարներ)Կրեմլը չի մեկնաբանում Էրդողանի հայտարարությունը Էդգար Մանուչարյանը առաջիկայում կվերսկսի մարզումները «Ուրալ»-ի ընդհանուր խմբի հետԱֆղան ուժայինները ոչնչացրել են ավելի քան 140 զինյալների Երբ Մոուրինյուն միջամտում է Լինգարդի հարցազրույցին (տեսանյութ)Ախր ո՞նց հավատամ Ձեզ, պարոն վարչապետ. Արշակ Զաքարյանը անհետաձգելի խնդիր է մատնանշելԻնչպես արագորեն ազատվել համբույրի թողած կապտուկներից Անահիտ Սիմոնյանն ու Փարիզը (լուսանկարներ)Ծնունդդ շնորհավոր իմ սեր. Արմենչիկը շնորհավորել է կնոջը
Ամենադիտված